U zhvillua një takim miqësor dhe me shumë vlerë me ambasadoren e Republikës së Greqisë në Shqipëri, znj. Lambrini Komini.
Korça dhe Greqia janë të lidhura prej vitesh nga afërsia, historia dhe marrëdhëniet e forta njerëzore. Kjo afërsi është një bazë e mirë për të ndërtuar ura të reja bashkëpunimi në fusha të ndryshme, duke krijuar më shumë mundësi për qytetarët dhe për zhvillimin e rajonit.
U diskutua për potencialin që ofrojnë turizmi, ekonomia, kultura, arsimi, mjedisi dhe fusha të tjera me interes të përbashkët, me synimin që marrëdhëniet e mira të përkthehen gjithnjë e më shumë në bashkëpunime dhe iniciativa konkrete.