Në Bashkinë Korçë u zhvillua sot një takim me përfaqësues të tregtarëve të Tregut Maqedonas, ku u diskutua projekti për sistemimin dhe unifikimin e ambienteve të tregtimit, një ndërhyrje që synon përmirësimin e kushteve të punës, estetikës urbane dhe standardeve të shërbimit.
Gjatë takimit, tregtarët u njohën nga afër me projektin dhe shprehën dakordësinë për vijimin e tij, duke e vlerësuar si një ndërhyrje në funksion të përmirësimit të kushteve të ushtrimit të aktivitetit dhe të imazhit të zonës.