SHPALLJE PËR VEND TË LIRE PUNE DREJTOR I KOPSHTIT NR. 11
Në zbatim të ligjit 139/2015 “Për vetëqeverisjen vendore”, ligjit nr. 7961, datë 12.7.1995 “Kodi i Punës së Republikës së Shqipërisë” i ndryshuar, ligjit nr. 44/2015 “Kodi i Procedurës Administrative i Republikës së Shqipërisë” i ndryshuar dhe ligjit nr. 69/2012 “Për sistemin arsimor parauniversitar në Republikën e Shqipërisë” i ndryshuar, Bashkia Korçë do të fillojë proçedurat për plotësimin vendit vakant, si më poshtë:
· Drejtor i Kopshtit nr. 11.
Kandidatët duhet të plotësojnë kërkesat e posaçme si vijon:
1. të jetë shtetas shqiptar;
2. të ketë zotësi të plotë për të vepruar;
3. të zotërojë gjuhën shqipe, të shkruar dhe të folur;
4. të jetë në kushte shëndetësore që e lejojnë të kryejë detyrën përkatëse;
5. të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
6. të mos jetë marrë ndaj tij, nga gjykatat shqiptare dhe/ose të huaja, asnjë vendim që lidhet me masat mbrojtëse ndaj dhunës në familje;
7. ndaj tij të mos jetë marrë masa disiplinore për thyerje të etikës e të sjelljes në institucion sipas ligjit nr. 69/2012 “Për sistemin arsimor parauniversitar në Republikën e Shqipërisë” i ndryshuar;
8. të zotërojë nivelin e diplomës për arsimin parashkollor;
9. të këtë eksperiencë pune të paktën 5 vjet si mësues;
10. Të jetë mbaruar trajnimin dhe të jetë pajisur me certifikatën e drejtuesit të institucionit arsimor parauniversitar;
DOKUMENTACIONI, MËNYRA DHE AFATI I DORËZIMIT
Kandidatët duhet të dorëzojnë dokumentat si më poshtë:
– Kërkesë me shkrim;
– Curriculum vitae;
– Certifikatë e përbërjes familjare;
– Fotokopje e kartës së identitetit;
– Diplomë të noterizuar;
– Listë e notave e noterizuar;
– Certifikata e drejtuesit të institucionit arsimor parauniversitar e noterizuar;
– Dëshmi kualifikimi të noterizuara
– Fotokopje e librezë pune e noterizuar;
– Dëshmi e gjendjes mjekësore;
– Dëshmi e gjendjes gjyqësore;
– Vërtetim gjykate dhe vërtetim prokurorie;
– Foto – 2 copë me përmasa 4 * 5.5cm;
– Foto – 1 copë e madhe me përmasa 9* 12 cm.
– Karakteristikë nga rajoni ku banon.
– Vetëdeklarim i gjëndjes gjyqësore.
Dokumentat duhet të dorëzohen me postë ose pranë Drejtorisë së Burimeve Njerëzore pranë Bashkisë Korçë brenda datës 09.02.2026.
REZULTATET PËR FAZËN E VERIFIKIMIT PARAPRAK TË DOKUMENTACIONIT
Brenda 7 ditëve nga data e njoftimit, Drejtoria e Burimeve Njerëzore në Bashkinë e Korçës do të njoftojë individualisht kandidatët fitues që plotësojnë kushtet dhe kërkesat e posaçme.
KRYETARI I BASHKISË
Sotiraq Filo