Ka përfunduar ndërtimi i qendrës së re shëndetësore në Voskop, si rezultat i bashkëpunimit mes Bashkisë Korçë, Shoqatës “Gjysmëhëna e Kuqe” e Emirateve të Bashkuara Arabe – Zyra në Shqipëri dhe Drejtorisë Rajonale të Shëndetit Publik Korçë. Qendra i shtohet rrjetit të shërbimeve shëndetësore në territorin e Bashkisë Korçë dhe synon përmirësimin e kushteve, si dhe lehtësimin e aksesit të komunitetit në kujdes shëndetësor më pranë vendbanimit. Një shërbim shëndetësor më pranë banorëve të Voskopit.
