Korça njihet gjerësisht si qyteti i kulturës, arsimit, serenatave, karnavaleve, etj. Ky qytet mirëpret të gjithë ata qe e duan natyrën e bukur, artin, argëtimin pafund dhe traditën. “Korça qyteti i festave” një program që përmban një sërë projektesh kulturore, artistike dhe turistike e ndërthurur edhe me bukurinë natyrore dhe muzemet e shumta në qytet, e ka shndëruar Korçën në qendrën të më të rëndësishme dhe më të frekuentuar turistike në Shqipëri. Festa e Birrës, një sukses i garantuar ka sjellë më shumë se 100,000 vizitorë gjatë pesë ditëve të festës, duke e kthyer atë në festën më të madhe në Shqipëri.
18 vite “Festa e Birrës në Korçë”, tashmë është etaloni matës i gjithçkaje që organizohet në vendin tonë. Festa e Birrës 2024 për të katërtin vit rradhazi do të organizohet në Terminalin e Autobusëve me një infrastrukturë të kuruar në detaje për të tilla, organizime.
Qëllimi i projektit:
Promovimi i kulturës, traditës Korçare. Nxitja e turizmit dhe rritja e numrit të turistëve vendas dhe të huaj që vizitojnë Korçën.
Aplikimi:
Të drejtën për të aplikuar e kanë:
a) Çdo person fizik/juridik vendas dhe të huaj të regjistruar sipas legjislacionit në fuqi dhe që ushtrojnë veprimtari artistiko – kulturore;
DOKUMENTAT QË DUHET TË DORËZOHEN NË MOMENTIN E APLIKIMIT TË PROJEKTIT.
a) Formulari i aplikimit pjesë e kësaj rregullore;
b) Kërkesa për mbështetje finaciare, e protokolluar në QAK;
c) Projekti artistik – kulturor, i ndërtuar mbi bazën e të gjitha pikave të përcaktuara në formatin e Aplikimit.
d) Vendimi i Gjykatës, Statuti i Shoqatës/Shoqërisë, Akti i themelimit, NIPT. (kopjet duhet të jenë të noterizuara.)
e) Vërtetim nga Gjykata që Shoqata, Fondacioni, shoqëria, nuk është në proces falimentimi apo likujdimi dhe çertifikatë e gjendjes gjyqësore të shoqërisë/administratorit.
f) Numri i llogarisë Bankare në të cilin do të bëhet derdhja e fondeve të kërkuara. (lBAN -lek)
g) Preventivi, total i detajuar në të gjithë zërat e tij, në krah të jenë shënuar donatorët përkatës.
h) Preventivi për zërat që janë dhënë nga Bashkia. (Preventivi duhet të jetë i firmosur dhe i vulosur nga aplikuesi. Ky preventiv mbetet i diskutueshëm nga Bordi Artistik i Bashkisë Korçë).
i) Dy rekomandime të lëshuara nga personalitete të shquara sipas fushës që mbulon projekti.
-Tre rekomandime nese subjekti aplikues është individ.
j) Deklarata mbi të ardhurat e projekit, nëse ka, si do të përdoren këto të ardhura.
k) Fotokopje të kartës së identitetit ose pashaportës të aplikantit.
– Në rast se aplikimi bëhet nga një individ në vend të pikave d) e) zëvendësohen me një biografi personale, CV dhe të akivitetit artistik).
l) Subjekti aplikues nuk duhet të ketë detyrime të papaguara vendore, detyrime të ngarkuara nga organet kompetente audituese apo detyrime të ngarkuara nga organe të tjera (në favor të Bashkisë Korçë). Vërtetim për detyrimet vendore dhe vërtetim për detyrimet tatimore dhe kontributet e sigurimeve shoqërore nga Drejtoria e Tatimeve.
Deklaratë në formë vetëdeklarimi se do sigurojë kapacitet financiar, material dhe burime njerëzore për organizimin e aktivitetit Festa e Birrrës.
Aplikimi për organizimin e këtij projekti duhet të paraqitet në formën sipas formularit tip, bashkëngjitur kësaj ftese.
Mospërmbushja e kritereve është shkak skualifikimi.
Nuk mund të aplikojnë:
Personat juridik publik që përfaqësojnë institucionet dhe ndërmarrjet shtetërore, qëndrore ose vendore, që vetëfinancohen ose financohen nga buxheti i shtetit ose nga ente të tjera publike të miratuara me ligj.
Koha e zhvillimit dhe shpalljes së fituesit:
Shpallja e Ftesës së Hapur bëhet më datë 23.07.2024.
Data e fundit e aplikimeve 30.07.2024.
Bordi Artistik në QAK Bashkia Korçë do të mblidhet me datën 02.08.2024.
Shpallja e fituesit do të bëhet deri me datë 05.08.2024.
Fituesi do të njoftohet publikisht nga QAK Bashkia Korçë.
Dorëzimi i dokumentacionit:
Aplikuesit duhet të dorëzojnë projektin dhe dokumentet e tjera të kërkuara tek Sekretari/Protokolli pranë QAK Bashkia Korçë, sipas kritereve të përcaktuara në formularin tip bashkëngjitur kësaj ftese, i cili duhet të plotësohet në mënyrë elektronike.
Fondi limit është 15.000.000 lek.
KRITERET E KËRKUARA:
- Operatori që merr përsipër realizimin e Festa të Birrës, duhet të ketë eksperiencë të njohur në zhvillimin e aktiviteteve të këtij lloji.
- Operatori duhet të ketë në CV – në e tij arritje dhe suksese të vërtetueshme në evente të tilla të përmasave të mëdha.
- Vlerësohet cilësia artistiko –kulturore e projektit dhe pjesëmarrja e emrave të njohur të skenës.
- Operatori/individi duhet të ketë bashkëpunime artistike të nivelit të lartë;
KRITERET E VEÇANTA PËR OPERATORIN EKONOMIK QË DO TË
ORGANIZOJË FESTËS SË BIRRËS
1. Aktiviteti “Festa e Birrës” do të zhvillohet në datat 14/08/2024- 18/ 08/2024 tek Terminali i Autobusave, Korçë.
2. Subjekti/ individi duhet të paraqesë planvendosje për shfrytëzimin maximal të hapësirës së vënë në dispozicion nga Bashkia.
3. Festa e Birrës duhet të ketë skenë jo me pak se 20 metër linear gjatësi, 8 metër linear gjerësi dhe lartësi jo më pak se 1,8 metër nga toka.
4. Skena duhet të ketë jo më pak se 80 m2 ekran Led outdoor, ku operatori ekonomik duhet të sigurojë që shfaqë grafika shoqëruese sipas programit muzikor për të 5 netët e festës.
5. Operatori duhet të sigurojë foni për të mbuluar një kapacitet jo më pak se 8000 persona, që frekuentojnë festën.
6. Operatori ekonomik duhet të marrë përsipër ndriçimin e skenës me robotë dhe efekte speciale shtesë si C02 (tymuese skenike).
7. Ndriçimin e të gjithë sheshit të aktivitetit ku do të zhvillohet festa.
8. Vendosjen e 40-60 stendave shërbimi të përshtatshme për bizneset pjesëmarrëse në festë.
9. Të sigurojë jo më pak se 10 (dhjetë) tualeta portative në zonë të dedikuar.
10. Krijimin e zonës me rezervimin, e cila duhet të funksionojë online dhe fizikisht në ambientet e festës.
11. Sigurimin e jo më pak se 300 sete tavolina dhe stola uniforme, (Cdo tavoline duhet te jete e pajisur me 2 stola), ku mund te qendrojne lirisht 6 persona.
12. Ruajtjen e zonës përgjatë 24 orëve gjatë 5 netëve të festës me staf të kualifikuar te kompanive të sigurise fizike nga momenti që fillon puna për infrastrukturën e aktivitetit deri në përfundim të tij dhe largimit të gjithë pajisjeve të insfrastruktures së festes, mbulumin me fotograf profesionist, i cili duhet të realizojë video dhe foto gjatë 5 netëve të festës.
13. Krijimin e imazheve digjitale që do të promovohen gjatë festës së birrës, sigurimin e gjithë programit muzikor në të 5-ta netët e festës me jo më pak se 3 këngëtarë dhe/ ose banda muzikore për çdo natë, të cilët duhet të jenë artistë të njohur nga Shqipëria dhe rajoni.
14. Ruajtja dhe shoqërimi i këngëtarëve/ bandave muzikore , para, përgjatë dhe pas performancës së tyre, nga staf i sigurisë i kualifikuar nga kompani të ruajtjes dhe sigurisë fizike.
15. Festa e Birrës duhet të fillojë çdo ditë në orën 20:30 dhe do të vazhdojë deri në orën 1:00 pas mesnate.
16. Hyrja në Festën e Birrës do të jetë e lirë (pa pages) në të 5 -ta netët e aktivitetit.
17. Subjekti duhet të koordinojë gjatë gjithë kohës punën me Qendrën e Artit dhe Kulturës dhe Sektorin e Turizmit të Bashkisë Korçë.
18. Logoja e Bashkisë Korçë duhet të jetë logoja qëndrore e festës dhe nuk duhet të mungojë në asnjë postim para, gjatë dhe pas festës.
19. Operatori ekonomik duhet të sigurojë transportin me mjetet e tij të të gjitha materialeve/ pajisjeve teknike të sipërpërmendura.
20. Bashkia Korçë mundëson vendin e organizimit të festës, sigurimin me energji elektrike, ujë dhe staf ndihmës nga Ndërmarrja e Shërbimeve Publike (NSHP), për pastrimin e zonës, asistencë në lidhjen e energjisë elektrike dhe shërbimeve ndihmëse gjatë ditëve të zhvillimit të aktivitetit, si edhe vendosjen në dispozicion të Policisë Bashkiake, për ruajtjen e rendit dhe sigurisë publike si edhe bllokimin e qarkullimit afër zonës ku do të zhvillohet festa në rast se është është e nevojshme.
DOKUMENTACIONI DUHET TË JETË ORIGJINAL OSE I NJEHSUAR ME ORIGJINALIN