Për tre vite radhazi Franca do të financojë projekte të rëndësishme zhvillimi për Korçën në bujqësi e blegtori, pyje, turizëm, edukim dhe kulturë. Bashkia Korçë filloi takimet me grupet e interesit për hartimin e projekteve konkrete në kuadër të këtij bashkëpunimi të nisur rreth një muaj më parë me binjakëzimin e Korçës me bashkinë e Chambery në Francë, duke u bërë kështu e para bashki shqiptare që vendos marrëdhënie konkrete bashkëpunimi me Francën. Një përfaqësi e Ambasadës së Francës në Shqipëri kryesuar nga Rèmy Privat, atashe i bashkëpunimeve pranë kësaj ambasade është takuar sot me kryebashkiakun Filo dhe aktorë publikë e privatë të fushës së bujqësisë, blegtorisë, pyjeve, zonave të mbrojtura dhe turizmit.
