Përfundon Panairi Ndërkombëtar i Turizmit “Philoxenia” në Selanik. Korça u prezantua për herë të parë në këtë panair, me ofertën e saj turistike, natyrën e mrekullueshme, historinë dhe traditat, duke tërhequr vëmendjen dhe interesin e agjencive dhe operatorëve turistikë nga shume vende të botës. Potenciali i madh që ka Rajoni i Korçës është një mundësi e shkëlqyer për shtimin e numrit të vizitorëve, ditëve të tyre të qëndrimit dhe zhvillimit të sektorit të turizmit si një nga sektorët më të rëndësishëm të ekonomisë lokale që gjeneron të ardhura dhe punësim.
