Tek Korca Innovation Hub është çelur panairi i parë i punës në fushën e teknologjisë dhe inovacionit “Career Tech”, me pjesëmarrjen e mbi 20 kompanive teknologjike. Pas Ritech e Helius System edhe Lufthansa Industry Solutions vjen në Korçë për të hapur degën e saj dhe punësuar programuesit korçarë. Panairi i punës “Career Tech” është pjesë e programit të madh të Bashkisë Korçë për ta kthyer qytetin në qendrën më të madhe teknologjike në rajon, duke ofruar mundësi punësimi për të rinjtë e Korçës. Korca Innovation Hub është një dritare e madhe teknologjike që u ofrohet të rinjve të Korçës, në teknologji, inovacion dhe sipërmarrje.
