140 fëmijë nga mosha 7-15 vjeç do të përfitojnë nga bashkia bursë 50% të tarifave në kurset e robotikës, kodimit, 3D modeling dhe Phython. Sollëm në Korçë akademinë më të madhe për fëmijë në Shqipëri Albania ICT Academy. Qendra e Teknologjisë dhe Inovacionit është kthyer padyshim në një magnet për të gjithë fëmijët e të rinjtë që kanë pasion teknologjinë dhe inovacionin. Gjatë sesionit informues që u zhvillua tek Biblioteka “Thimi Mitko” në Korçë fëmijët mësuan më tepër për trajnimin e ri të programimit dhe robotikës.
Për më tepër informacion drejtohuni pranë sporteleve të Bashkisë Korçë ose pranë Bibliotekës “Thimi Mitko” në Korçë.