Korça do të jetë stacioni i radhës ku do të shfaqet video-art më 8/9/10 shtator. Festivali Ndërkombëtar i Video Artit "Gjon Mili", zhvendoset në Korçë më datë 8 Shtator. Bashkia Korçë dhe biblioteka "Th.Mitko", do të organizojnë aktivitetin e hapjes, të enjten 8 Shtator ora 20:00, me një ndërthurje të bukur të filmave me metrazh të shkurtër dhe muzikës xhaz&bluz, si dhe kontributin e artistit të njohur shqiptaro-amerikan Gjon Mili. Ju mund të shijoni shfaqje filmash nga artistë shqiptarë dhe ndërkombëtarë dhe biseda artistike gjatë festivalit që do të zhvillohet ne datat 9 dhe 10 shtator në Muzeun Gjon Mili. Festivali do të zhvendoset në New York, Manhatan nga 25 – 30 shtator. Mos e humbisni këtë përvojë të vërtetë kulturore!
