Për herë të parë organizohet në Korçë festivali Ndërkombëtar "Gjon Mili". Mjeshtri korçar, që ka prekur kopertinat e revistave botërore me teknikën e tij unike të fotografimit me dritë. Muzeu që mban emrin e tij, numëron rreth 240 fotografi me firmë të fotografit dhe është një nga më të vizituarit në Korçë. Gjatë këtyre ditëve, muzeu "Gjon Mili" do të mirëpresë prezantimin e këtij festivali dhe do të organizohen work shope të ndryshme, si të vizatojmë me dritë, filmime të shkurtra, si edhe teknika të fotografisë.
