"Biblioteka në natyrë" quhet projekti që grupi "Minions" nga Korça vuri në jetë falë punës 3 mujore, si rezultat i projektit social rinor Upshift, mundësuar nga UNICEF. "Njerëz të vegjël që së bashku mund të arrijnë gjëra të mëdha" është motoja nën të cilën të rinjtë si Dhimitri, Sofia, Gloria dhe Hrisa punuan për të sjellë më pranë bashkëmoshatarëve botën e librit. Biblioteka e vendosur në qendër të Pazarit të Vjetër do të funksionojë si një vend ku librat mund të merren dhe dhurohen nga qytetarët.
