Në kuader të programit “ Qyteti Social” Bashkia Korçë zbaton projektin : “Qendra ditore për fëmijë, fuqizimi i fëmijëve Rom dhe Egjiptian”
Bashkia Korçë njofton se kërkohet ambient me qera për periudhën Prill – Dhjetor 2021 sipas kritereve të mëposhtme:
• Një ambient me sipërfaqe 140m2 në lagjen 16 . Ky ambient duhet të jetë i ndarë në dy pjesë që komunikojnë me njëra – tjetrën. Një prej ambienteve duhet të jetë i pajisur me kuzhinë dhe orenditë e nevojshme në të, 10 tavolina ngrënie dhe 30 karrige. Ndërsa, ambienti tjetër duhet të jetë i përshtatshëm si sallë studimi dhe i pajisur me banga e karrige për 30 nxënës. Ambienti duhet të ketë një tualet dhe të jetë në kontakt të afërt me rrugën kryesore.
Subjektet ose personat fizikë që kanë ambiente me kushtet e mësipërme, duhet të dorëzojnë pranë Drejtorisë së Kujdesit Social Bashkia Korçë, dokumentacionin e mëposhtëm:
Oferta me vlerën e qerasë mujore të firmosura nga subjekti/personi fizik
Certifikatën e verifikimit të pronësisë të lëshuar nga ZRPP
Hartën treguese të regjistrimit të lëshuar nga ZRPP
Kartelën e pasurisë të lëshuar nga ZRPP
Fotokopje të kartës së identitetit për personat fizikë
Afati i fundit i dorëzimit të dokumentacionit është 5 ditë brenda publikimit të njoftimit.