Bashkia Korçë shpallet fituese në Konkursin e Praktikave të Mira në Shqipëri. Bashkia Korçë fitoi çmimin e parë të jurisë për Praktikat Gjithëpërfshirëse në Parashkollor dhe Reformimin e Sektorit Parashkollor, bazuar në standardet e mësimit të hershëm dhe zhvillimit, me projektin e ngritjes së Qytezës së Fëmijëve, modeli i parë i këtij lloji në Shqipëri! Konkursi i Praktikave të Mira 2020 u organizua nga Ministria e Brendshme dhe Agjensia për Mbështetjen e Vetëqeverisjes Vendore me mbështetjen e Agjensisë Zviceriane për Zhvillim (SDC). Është hera e dytë në tre vite të organizimit të këtij konkursi që Bashkia Korçë shpallet fituese. Në vitin 2018 Bashkia Korçë u shpall fituese me praktikën e ngritjes së Njësisë Kreative pranë strukturave të saj si formë inovative e përfshirjes së të rinjve të aftë e të talentuar.
