R E P U B L I K A E S H Q I P Ë R I S Ë
BASHKIA KORÇË
Drejtoria e Përgjithshme Juridike dhe e Menaxhimit të Burimeve Njerëzore
Nr._______ Prot. Korçë, më datë 21/10/2020
NJOFTIM
“SHPALLJE KONKURSI PËR PËRZGJEDHJEN E SUBJEKTIT QË DO TË BASHKËFINANCOJË DHE BASHKËMENAXHOJË VEPRIMTARINË E SHOQËRISË AKSIONARE QËNDRA SPORTIVE KORÇË SH.A”
Bazuar në nenin 3, 9 pika 1.6, 25, 64 të ligjit Nr.139/2015 “Për vetëqeverisjen vendore” Vendimin e Këshillit të Bashkisë Korçë Nr.93 dt.27.08.2020 “Për fillimin e procedurave të konkursit për përzgjedhjen e partnerit, për bashkëfinancimin dhe bashkëmenaxhimin e veprimtarisë së Qendrës Sportive Korçë Sh.A”.
Bashkia Korçë njofton të gjithë subjektet e interesuara për bashkëfinancimin dhe bashkëmenaxhimin e veprimtarisë të shoqërisë aksionare Qendra Sportive Korçë Sh.A të paraqesin në Bashkinë Korçë dokumentacionin si më poshtë:
Përcaktimi i kritereve të subjektit që do të bashkëfinancojë dhe bashkëmenaxhojë veprimtarinë e shoqërisë aksionare Qëndra Sportive Korçë Sh.A do të jetë si më poshtë:
- Subjekti konkurrues të ketë eksperiencë shumë vjeçare funksionimi dhe eksperienca të ngjashme në fushën e financimit dhe menaxhimit të projekteve të ndryshme (e vertetuar kjo me vendim regjistrimi të subjektit dhe/ose ekstrakt historik te saj, bilanc për vleren totale të projekteve që ka financuar)
40 pikë
- Vlera totale e kontributit që subjekti konkurrues do të bashkëfinancojë veprimtarinë e shoqërisë aksionare Qendra Sportive Korce Sh.A (Do të perzgjidhen ato subjekte që vlerën e financimit në shoqërinë aksionare e kanë më të lartë)
40 pikë
- Numri i të punësuarve që subjekti konkurrues do të ketë (e vërtetuar kjo me pagesën e kontributeve të sigurimeve shoqërore dhe shëndetsore), kjo sipas kualifikimeve, përvojës, kapacitetit për të ofruar shërbime. Do të përzgjidhet subjekti që ka numrin më të madh të vendeve të reja të punës që subjekti do të krijojë në Qendër.
20 pikë
Subjektetet e interesuara të paraqesin dokumentacionin e sipërcituar dhe planbiznesin brenda 10 ditëve nga dita e nesërme e afishimit të njoftimit në stendat e Bashkisë Korçë të mbyllura në zarf, të vulosura dhe do të dorëzohen zyrtarisht pranë Bashkisë Korçë, në zyrën e Protokoll-Arkivës.
Subjektet që kanë shprehur interes, kanë të drejtë të marrin pjesë në procesin e hapjes së dokumentacionit nëpërmjet përfaqsuesit apo personave të autorizuar.
Shqyrtimi i dokumentacionit të dorëzuar do të bëhet ne dt. 01/10/2020 në Sallën e Mbledhjes, Kati I, në Bashkinë Korçë.
Komisioni nuk do të pranojë asnjë dokumentacion, i cili do të dorëzohet tej afatit të përcaktuar dhe jo në përputhje me kërkesat e sipërme.
Qëllimi i publikimit të këtij njoftimi është vënia në dijeni e të gjithë subjekteve të interesuara të cilët shprehin interes dhe përmbushin kriteret për të paraqitur dokumentacionin e nevojshem dhe të sipercituar.
U shpall sot në Stendat e Bashkisë Korçë dt. 21/10/ 2020.
Drejtoria e Mardhënieve me Publikun____________________
K R Y E T A R I
Sotiraq Filo