Në këtë prag 8 marsi le të jemi të gjitha së bashku, gra drejtuese e punonjëse të institucioneve shtetërore, gra mësuese, mjeke e infermiere, gra punëtore e gra artiste, gra të afta që me talentin e punën e palodhur kontribuojmë çdo ditë në komunitet.
Në këtë 8 mars le të jemi të gjitha së bashku në një marshim frymëzues, për të treguar me krenari se NE GRATË jemi pjesë e rëndësishme e ndryshimeve në komunitetet tona të vogla a të mëdha qofshin.
NE GRATË nuk jemi thjesht burimi i jetës dhe i dashurisë, por dimë ta vendosim dashurinë mbi çdo punë që bëjmë.
NE GRATE sot duhet te jemi së bashku, në një vend si Shqipëria ku gratë ende vriten nga burrat dhe çmohen e duhen më pak.
Le të sjellim në vëmendjen e të gjithëve modele të grave që kanë spikatur e vijojnë të spikatin duke lënë gjurmë kudo ku punojnë.
NE GRATË e Korçës, të gjitha së bashku në marshimin frymëzues të ditës sonë ndërkombëtare.
Të premte 6 Mars, ora 13:00, Zona Këmbësore, Monumenti i Luftëtarit Kombëtar
UNE GRUAJA do të jem aty!
NE GRATE do të jemi të gjitha aty!