Të nderuar,
Bashkia Korçë në kuadër të zbatimit të Programit Rajonal për Demokraci Lokale në Ballkanin Perëndimor (ReLOaD), i cili zbatohet nga Programi i Kombeve të Bashkuara për Zhvillim (UNDP) është në fazën e përgatitjes për hapjen e thirrjes së dytë për dorëzimin e projekt propozimeve nga Organizatat e Shoqërisë Civile.
Qëllimi specifik i këtij programi është fuqizimi i bashkëpunimit ndërmjet njësive të pushtetit lokal dhe shoqërisë civile në Ballkanin Perëndimor, duke inkurajuar zbatimin e modelit te suksesshëm të realizuar në Bosnje dhe Hercegovine lidhur me financimin e organizatave të shoqërisë civile (OSHC) nga buxheti i pushtetit lokal ne përputhje me prioritetet lokale.
Për këtë qëllim, Bashkia Korçë do të duhet të evidentojë prioritetet mbi të cilat duhet të bazohen projekt propozimet e dorëzuara nga OSHC-të. Përfaqësuesit e Bashkisë Korçë do të bëjnë një shpjegim më të detajuar rreth 5 fushave priortitare, bazuar edhe në dokumentat strategjike, por edhe në nevojën konkrete për projekte të tjera që po zhvillohen në vazhdim.
Për përcaktimin në mënyrë transparente të këtyre prioriteteve, Bashkia Korçë fton të gjithë Organizatat e Shoqërisë Civile për të marrë pjesë në takimin e hapur konsultues për vendosjen e prioriteteve, të cilat do të diskutohen gjatë takimit.
Takimi konsultues mbi vendosjen e prioriteteve do të organizohet në datë 1.02.2019, ora 10:00 në ambientet e Bashkisë Korçë.
Ju lutemi, konfirmoni pjesëmarrjen tuaj në takim.
Ju falenderojmë për bashkëpunimin