Muzeu “Gjon Mili”, muzeu më i ri në Korçë dedikuar fotografit korçar me famë botërore. 240 fotografi me të drejtën e autorit, thënie të Gjon Milit apo të njerëzve të tjerë për të, ekspozitorë me elemente nga jeta e tij apo e kohës që jetoi, janë pjesë e fondit të këtij muzeu. Dy komponentë të rëndësishëm janë edhe dhomat interaktive. “Dhoma e eksperimentit”, e cila ka në fokus dritën stroboskopike, si krijim i Milit dhe “Dhoma e fotografimit me dritë”, e cila është suveniri që mund të marë çdo vizitor. Një foto e shkrepur ashtu si edhe Mili fotografoi Picasson.
