"Mësonjëtorja e Parë Shqipe", e para shkollë në Shqipëri e cila do të përmbushë standartet e të ushqyerit shëndetshëm për çdo nxënës. Në "Ditën Botërore të Ushqimit" nisi zbatimi i projektit të "Kantinave Ushqimore", i cili do të përfshijë 4 shkolla në qytetin e Korçës. Një bashkëpunim me Ministrinë e Arsimit dhe Ministrinë e Bujqësisë, falë të cilit 2000 nxënës të grupmoshës 6-15 vjeç do të konsumojnë vakte ushqimore të shëndetshme.
