Hapet në Korçë programi i ri i studimit Master Profesional në RESTAURIM MONUMENTESH KULTURE, i pari program i këtij lloji në Shqipëri. Ky program me kohë të plotë, me kohëzgjatje të rregullt 1 vit (60 ECTS), zhvillohet në bashkëpunim me Institutin e Monumenteve të Kulturës, Institutin Arkeologjik, me universitetet e huaja partnere të FAU dhe me Bashkinë Korçë.
Gjithsej për vitin akdemik 2016-2017 do të pranohen 50 studentë.
8 kuota janë të rezervuara për studentët e Republikës së Kosovës dhe studentët me kombësi shqiptare nga Mali i Zi, Maqedonia, Presheva, Medvegja dhe Bujanovci.
Mund të aplikojnë:
– Studentët që kanë një Master Shkencor në Arkitekturë / Urbanistikë (FAU)
– Studentët që kanë një Diplomë të sistemit 5 vjeçar në Arkitekturë / Urbanistikë (FAU)
– Studentët që kanë një Master (profesional ose shkencor) në Inxhinieri Ndërtimi (FIN)
– Studentët që kanë një Bachelor në Arkitekturë
– Studentët që kanë një diplomë të ngjashme me programet e mësipërme (do të vlerësohen nga komisioni)
-Studentët që kanë mesatare të studimeve bachelor / master i integruar mbi 7.
Aplikimet mund të kryhen pranë sekretarisë mësimore në FAU në datat 1-30 Shtator. Dokumentacioni i nevojshëm është:
-Kërkesë për rregjistrim
-CV e kandidatit
-Dëshmi e gjuhës së huaj niveli B1 (kopje e noterizuar)
-Diploma dhe lista e notave bachelor / master (kopje e noterizuar)
Ju mirëpresim!
MASTERI I RESTAURIMIT PROFESIONAL
