Për të siguruar përfaqësim dhe kontribut qytetar me bazë të gjerë në proçeset konsultative dhe vendimmarrëse të qeverisjes vendore Bashkia Korçë organizoi një takim me përfaqësues të shoqërisë civile për rikompozimin e Komisionit Këshillimor Vendor me qëllim përfshirjen e Njësive Administrative.
Rritja e numrit të anëtarëve të këtij komisioni me përfaqësim më të gjerë moshor, gjinor, gjeografik dhe profesional është shprehja e nivelit më të lartë të marrëdhënies dhe bashkëpunimit të dyanshëm.
Komisioni Këshillimor Vendor është një mekanizëm që siguron bashkëpunimin e të gjithë shoqërisë në qeverisjen vendore për formulimin, zbatimin, monitorimin dhe vlerësimin e politikave e shërbimeve qe i ofrohen komunitetit.
Në këtë kuadër shohim shumë të rëndësishëm dialogun dhe shkëmbimin e ideve rreth projekteve që së shpejti do të zbatohen në Bashkinë e Korçës.