Edhe këtë vit ashtu sikurse është bërë traditë për qytetin tone, Korça ka marrë pamjen dhe shpirtin e festave të fundvitit duke shtuar hijeshinë dhe ngrohtësinë që ky qytet transmeton. Festivali i Dritave në Zonën Kënbësore të qytetit ka mbledhur shumë qytetarë duke dhuruar një spektakël të vërtetë me ndezjen e qindra dritave njëkohësisht. Numurimi mbrapsht, karakteristikë e ceremonisë të hapjes së dritave i ka bërë të gjithë të pranishmit të kalojnë momente magjike. Çdo gjë ka marrë shkëlqim sot duke filluar nga pemët karakteristike e deri tek ndërtesat përgjatë Zonës Kënbësore të cilat janë veshur me mantel dritash. Ky festival është shoqëruar nga muzika live e ekspozimi i produkteve të ndryshme tradicionale të zones të Korçës. Tashmë qyteti i serenatave është gati të presë turistë e të festojë ashtu sikurse e ka traditë prej vitesh.
