3 Dhjetori, Dita Ndërkombëtare e Personave me Aftësi të Kufizuar ka sjellë sot në vëmendje këtë kategori personash për të theksuar edhe njëhere se edhe ata janë të barabartë me bashkëmoshatarë të tjerë. Përfaqësues të institucioneve në qytet, përfaqësues të qendrave të ndyshme të personave me aftësi të kufizuar, përfaqësues të OJF-ve si edhe prinder të shumtë kanë qënë pjesë e një diskutimi mbi problemet dhe mungesat me të cilat këta fëmijë përballen. Gjithpërfshirja dhe përmirësimi i situatës aktuale për këtë kategori personash si dhe rritja e cilësisë dhe gamës së shërbimeve mbetet ndër sfidat kryesore. Një shërbim më i mirë për këta fëmijë sjell jo vetëm përmirësimin e cilësisë së jetës së tyre por edhe të familjeve të tyre.
