Bashkia Korçë dhe Ndërmarrja e Shërbimeve Mbështetëse të Arsimit kanë nisur sot një projekt të ri pilot të mundësuar nga Qeveria Shqiptare në ndihmë të nxënësve të shkollës “Naim Frashëri”. Ky projekt i rëndësishëm konsiston në dhënien e 300 bursave ushqimore për të gjithë fëmijët të cilët vijnë nga familje me probleme ekonomike dhe sociale dhe që ndjekin mësimet në këtë shkollë. Kryebashkiaku Sotiraq Filo, i pranishëm për të përshëndetur këtë projekt të ri është shprehur se nisma të tilla që kanë në qendër fëmijët do të jenë gjithmonë prioritet i Bashkisë Korçë. Qëllimi kryesor i këtij projekti pilot ështe mbi të gjitha ti afrojë këta fëmijë më tepër me shkollën dhe ti largojë nga rruga. Nga ana e tyre nxënësit e kësaj shkolle nëpërmjet një spektakli kanë transmetuar urimin për festat e nëntorit.
