Është organizuar sot në Korçë Workshop-i "Udhëheqja për Sigurinë dhe Sundimin e Ligjit" zbatuar në Shqipëri nga Shoqata e Bashkive të Holandës (VNG-I) dhe Fondacioni për Autonomi Vendore dhe Qeverisje (FLAG) në bashkëpunim me Akademinë e Hagës për Qeverisje Vendore (THA), Institutin Holandez për Administratën Publike (PBLQ ROI) dhe Qendrën për Bashkëpunim Ndërkombëtar Ligjor (CILC). Ky workshop ka si synim identifikimin e nevojave dhe sfidave në fushën e sigurisë publike në Bashkinë e Korçës. Ai përfshin çështje si cilësia e jetës në lagje, viktimizimi, performanca e policisë etj. Në kete workshop morën pjesë 20 aktorë të cilët punojnë dhe kontribuojnë në fushën e sigurisë publike në nivel lokal si: policia bashkiake, drejtues në nivel të lartë ose të mesëm që punojnë në sektorin e shërbimeve sociale e shëndetësore, drejtues në sektorin e zhvillimit dhe menaxhimit të hapësirës publike, përfaqësues nga Shërbimi i Provës në nivel lokal, përfaqësues nga drejtoritë e Policisë në qarqe, përfaqësues nga OJF-të, etj.
