Në kuadër të fushatës sensibilizuese “Shqipëria JO duhanit” me mbështetjen e Bashkisë Korçë, Ministrisë të Shëndetësisë dhe Prefekturës të Qarkut Korçë janë organizuar sot në zonen këmbësore të qytetit një sërë aktivitetesh nën moton “Hidh cigaren, Zgjidh jetën”. Qyteti i Korçës është qyteti i parë në Shqipëri i cili mbështet fuqimisht këtë fushatë sensibilizuese kundër pirjes së duhanit. Në këtë aktivitet morën pjesë Ministi i Shëndetësisë Ilir Beqja, Kryebashkiaku Sotiraq Filo, Prefekti i Qarkut Korçë Ardit Konomi si edhe shumë personalitete të tjerë te qytetit të cilët të gjithë së bashku përcollën mesazhin për një jetë të shëndetëshme e pa duhan. Në mënyrë simbolike për të zgjedhur jetën e shëndetëshme e për të braktisur vesin e duhanpirjes është bërë një ecje në zonën këmbësore e janë dhuruar lule për të gjithë duhanpirësit të cilët fiknin cigaren në dobi të promovimit të një jete të shëndetshme pa duhan.
