Sheshi para Teatrit "A.Z.Cajupi" shume shpejt do te marre nje pamje te re. Kaosi i makinave dhe njerezve qe qarkullonin aty do te marre fund dhe ky shesh do t'i bashkengjitet Zones Kembesore duke shtuar keshtu nje hapesire te re funksionale dhe publike per qytetaret e Korces. Projekti eshte prezantuar sot nga kryebashkiaku Sotiraq Filo. Punimet e shtrira ne nje siperfaqe prej 30 000 m2 konsistojne ne rimodelimin dhe konturimin e sheshit para teatrit, rikonstruksionin e nje pjese te Bulevardit "Fan S. Noli" qe lidh sheshin me zonen e pazarit deri tek ish-NPV, shtesen e Lulishtes "Vangjush Mio", rrugicat midis shkolles "Themistokli Germenji" dhe Zones Kembesore se bashku me shtrimin e rrjetit te kanalizimeve, standartizimin e rruges per kalimin e automjeteve, krijimin e vendparkimeve, ndertimin e nje shatervani me siperfaqe 350 m2 i cili ne stinen e dimrit do te funksionoje si piste patinazhi, si edhe ndertimin e nje obelisku panoramik me nje lartesi prej 33.5 m i cili do tu ofroje qytetareve dhe vizitoreve nje kendveshtrim te zgjedhur te pjeses tradicionale te qytetit, rikonstuksionin e fasadave te pallateve perreth sheshit si edhe permiresimin e ndricimit publik te Bulevardit "Gjergj Kastrioti". Punimet per realizimin e ketij projekti do te mbyllen brenda ketij viti duke permiresuar ndjeshem infrastrukturen ne kete pjese te qytetit dhe duke i shtuar Korces nje atraksin te ri turistik. Ky projekt madhor, mbeshtetur financiarisht nga Fondi Shqiptar i Zhvillimit, eshte nje nga premtimet e mbajtura elektorale te kryebashkiakut Sotiraq Filo.