Kryebashkiaku Sotiraq Filo ka takuar studente te Fakultetit te Arkitektures te Universitetit te Tiranes.
Keta studente do te jene pjese e projektit per rikonstruksionin dhe rivitalizimin e “Pazarit te Vjeter te Korces”.
Pas investimit 600 mije euro ne fazen e pare per sistemin e kanalizimeve, ndricimit publik dhe shtrimit me kalldrem te pazarit, ky studim eshte nje perpjekje serioze per fazat e metejshme te restaurimit dhe rivitalizimit te Pazarit te Vjeter te Korces.
Puna gjate ketyre fazave do te perqendrohet ne restaurimin e godinave dhe fasadave si edhe ne venien ne funksion te ketyre objekteve.
Pazari i Korces ka vlera unikale, dhe restaurimi e rivitalizimi i tij do te kete ndikim te drejtperdrejte jo vetem ne ruajtjen e vlerave te trashegimise kulturore por edhe ne zhvillimin e turizmit, zhvillimin ekonomik lokal, rritjen e punesimit etj.