URDHËR
NR.32 datë 27.02.2014
Në mbështetje të nenit 102, pika 4, të Kushtëtutës dhe nenit 6, pika 2, si dhe të nenit 13, pika 1dhe 2, të ligjit nr. 10294, datë 01.07.2010 “Për inspektimin financiar publik”, Ministri i Financave
Urdhëron:
1) Fillimin e procesit të përzgjedhjes së inspektorëve financiarë publikë, të cilët do angazhohen në misione të inspektimit financiar publik.
2) Kriteret që duhet të plotësojnë inspektorët financiarë publikë, janë:
a) Të jenë nënpunës civilë.
b) Të kenë diploma universitare të nivelit të dytë të studimeve ose ekuivalente me të, në shkencat ekonomik, degaf inancë ose kontabilitet, si dhe ato juridike.
c) Të ketë të paktën 5 vjet përvojë në profesion në sektorin publik.
d) Të mos jete ndaluar me vendim gjykate të formes së prerë për të ushtruar detyra dhe funksione publike;
e) Të lejohet nga titullari i organit qëndror të njësisë publike, për të ushtruar profesionin e inspektorit financiar publik.
3) Për raste të vecanta që kërkojnë ekspertizë ne fusha të caktuara, Ministri i Financave angazhon ekspertë tëj ashtëm të fushës, duke i kontraktuar si shërbim publik. Kriteret profesionale sipas fushës që kërkohet të inspektohet, do të përcaktohen nga Ministri i Financave në urdhërin e angazhimit të tyre si inspektorë financiarë publikë.
4) Nuk mund të ushtrojnë detyrat e inspektorit financiar publik nënpunësit e administratës publike që ushtrojnë funksionet e titullarit të njësivë publike, nënpunësit autorizues, gjyqtarët,prokurorët, oficerët e policisë gjyqësore, audituesit e brendshem dhe audituesit e Kontrollit të Lartët të Shtetit.
5) Kandidatët për inspektorë financiarë publikë, duhet të paraqesin dokumentet e mëposhtme për aplikim:
· Kërkesë me shkrim;
· Përmblëdhje e edukimit,kualifikimeve dhe eksperiencës së punës (Curriculum vitae)
· Vërtetim nga institucioni që janë nënpunës civilë dhe miratimi nga drejtuesi më i lartë i njësisë publike për angazhimin e nënpunësit në funksione inspektimi;
· Miratim me shkrim nga titullari i organit qendror të njësisë publike, në të cilën është punësuar nënpunësi,për lejimin për të ushtruar funksionet e inspektorit financiar publik;
· Dokumentacion qe vërteton plotësimin e kritereve sipas pikës 2/b, fotokopje e diplomës dhe listës së notave;
· Dokumente që vërtetojnë kualifikime në fusha të caktuara profesionale (fotokopje);
· Libreza e punës (fotokopje);
· Dëshmi penaliteti;
· Adresën e vendbanimit, vendit të punës, dhe të dhëna kontakti (numër telefoni, adresa elektronike, etj.);
· Fotokopje e kartës së identitetit;
· Një fotografi (4×6).
6) Dokumentacioni paraqitet brenda datës 30.04.2014, në protokollin e Ministrisës së Financave, për Drejtorinë e inspektimit financiar publik, në adresën: Bulevardi “Dëshmorët ë Kombit”, nr.3,Tiranë.
7) Procesi i përzgjedhjes së kandidatëve për inspektorë financiarë publikë, kryhet nga komisioni i ngritur për këtë qëllim nga Ministri i Financave. Komisioni shqyrton dokumentacionin e paraqitur dhe nëse gjykohet e arsyeshme, ky dokumentacion verifikohet në institucionet përgjegjëse. Komisioni harton listën e kandidatëve që plotësojnë kriteret për inspektor financiar publik, të cilën ia paraqet për miratim Ministrit të Financave, Brenda afatit të caktuar prej tij. Numri maksimal i kandidatëve të përzgjedhur do të jetë 80 inspektorë financiar publike.
8) Pas miratimit të listës së inspektorëve financiarë publikë, nga Ministri i Financave lidhen marrëveshje bashkëpunimi me titullarët e njësive publike, sipas formatit të miratuar nga Ministri i Financave.
9) Ky urdhër shpallet dhe publikohet në faqen e internetit të Ministrisë së Financave dhe u dërgohet njësive publike për publikim në faqen e tyre të internetit, si dhe për njoftim zyrtar te subjekteve të varësisë.
10) Urdhri i Ministrit të Financave nr.36, date 16.05.2011 “Për kriteret për përzgjedhjen e inspektorëve financiarë publikë”, mbetet në fuqi deri në miratimin e listës së re të inspektorëve financiarë publikë nga Ministri i Financave në zbatim të ketij urdhri.
11) Për zbatim e këtij urdhri ngarkohet Drejtoria e Inspektimit Financiar Publik në Ministrinë e Financave.