Bashkia Korçë në bashkëpunim me “House of Art’s Elvis”, organizoi me rastin e Festave të Fundvitit, spektaklin e fëmijëve me rezultate të shkëlqyera nga te gjitha shkollat 9 – vjeçare të qytetit. Fëmijët e Sallës së Kërcimit “House of Art’s Elvis”, me drejtimin e instruktorëve të tyre Bardhi Pojani dhe Blerta Belliu, sollën në skenën e teatrit “Andon Zako Çajupi” një shfaqje të bukur dhe emocionuese për të gjithë të pranishmit. Nderuan në këtë aktivitet me prezencën e tyre edhe kryetari i Bashkisë Korçë Sotiraq Filo, zv. kryetarja Benila Themeli, Prefekti i Qarkut Ardit Konomi si edhe personalitete të tjerë në vend. Pasi ka përshëndetur me fjalën e tij te rastit Filo ka përgëzuar nxënësit për rezultatet e tyre të shkëlqyera në shkollë duke iu uruar suksese të mëtejshme dhe duke i këshilluar që asnjëherë të mos lenë pas dore rrugën e dijes por të vazhdojnë me përkushtim dhe këmbëngulje punën për të ruajtur këto rezultate duke investuar edhe me tepër në rrugën e arsimit pasi ata jane e ardhmja nga e cila ne çdo ditë presim më tepër,u shpreh Filo. Pas spektaklit të pregatitur me këtë rast janë ndarë dhurata për të gjithë nxënësit e dalluar të shkollave.
