Bizneset e liçensuara pajisen me pullën e sigurisë
Bizneset e liçensuara të qytetit të Korçës po pajisen me Pullën e Sigurisë. Kjo iniciativë e Bashkisë Korçë e mbështetur nga Shoqata e Biznesit synon minimizimin e informalitetit dhe luftën ndaj tij.
Në ditën e fillimit të vendosjes së pullave të sigurisë për bizneset e liçensuara kryetari i Shoqatës së Biznesit të Vogël në Korçë Albert Nasto ka falenderuar këtë iniciativë të Bashkisë Korçë e cila do të stimulojë bizneset e liçensuara dhe do të ndihmojë në evidentimin dhe goditjen e bizneseve që punojnë pa paguar asnjë deryrim duke konkurruar në mënyrë të padrejtë bizneset e tjera.
Ky hap i rëndësishëm i ndërmarrë nga bashkia pason shumë të tjerë në këtë fushë që nga publikimi i thirrjeve dhe materialeve sensibilizuese e deri tek sistemi elektronik i kontrollit dhe denoncimit të subjekteve te paliçensuara.
Çdo subjekt i liçensuar do të pajiset me pullën e sigurisë menjëherë pas pagesës të këstit të rradhës të taksave vendore.Kjo nismë është mirëpritur edhe nga komuniteti i biznesit të vogël në qytetin e Korçës.