“Korça është qytet model në Shqipëri, ku lehtësisht sa herë e viziton, mund të prekësh ndryshimin dhe progresin” është shprehur gjatë vizitës të tij në Bashkinë e Korçës ambasadori i Rumanisë në Shqipëri Viorel Stanila. Me kryebashkiakun Niko Peleshi ambasadori rumun, pasi ka vlerësuar arritjet e deritanishme ka diskutuar në lidhje me shtimin e bashkëpunimeve kulturore me qytetin e Korçës. Nga ana e tij kryetari i Bashkisë Korçë Nko Peleshi i ka vlerësuar si shumë të rëndësishme shkëmbimet kulturore dhe bashkëpunimin me Rumaninë për një qytet si Korça, ku këto lidhje kanë qënë të hershme dhe vazhdojnë edhe sot. Ai ka vlerësuar si mjaft pozitiv faktin që dhjetra studentë korçarë të diplomuar në universitetet më të mira të Rumanisë, janë kthyer për të ushtruar profesionet e tyre në qytetin e Korçës.
Prej dis avitesh qyteti i Korçës ka një marrëdhënie binjakëzimi me qytetin e Kluzh-it në Rumani.