35 të rinj, punësohen gjatë verës në Bashkinë e qytetit

35 të rinj, punësohen gjatë verës në Bashkinë e qytetit

35 të rinj korçarë, të diplomuar, ose në ndjekje të studimeve të larta në universitete të ndryshme brenda, apo jashtë vendit u bënë pjesë e projektit “Punësimi Sezonal 2010”.

Të përzgjedhur nga “Panairi i punës 2010”, 35 të rinjtw e profileve të ndryshme (studentë të fakultetit juridik, të arkitekturës, të fakultetit ekonomik, shkencave politike, turizëm, menaxhim, sociologji etj) punuan me kohë të pjesshme në drejtoritë e ndryshme pranë Bashkisë Korçë. Studentët e përzgjedhur u angazhuan  me projekte të caktuara, duke u bërë për dy muaj  pjesë e stafit të institucionit.

Ingranimi i të rinjve në punësimin sezonal sjell jo vetëm përfitimin e një eksperience pune nga pjesëmarrësit, por edhe freskimin e vetë institucionit me ide të reja, sugjerime, opinione etj.

Praktikë profesionale për punëkërkuesit e papunë

Pas përfundimit të projektit Shërbime Punësimi për të rinjtë – YES, implementuar nga Bashkia Korçë dhe Agjensia Rajonale e Zhvillimit, dy të rinj, pjesëmarrës në projekt janë përzgjedhur për të kryer praktikën profesionale 6 mujore pranë Bashkisë Korçë, në fushën e Marrëdhënieve me Publikun si dhe në fushën e Teknologjive të Informacionit.

Projekti “Praktikat profesionale”, që synon vënien në praktikë të njohurive të fituara pas përfundimit të studimeve të larta,  mundësohet për herë të dytë nga Bashkia Korçë, në bashkëpunim me Zyrën Rajonale të Punësimit, Korçë.