Më 5 qershor, e cila është Dita Ndërkombëtare e Mjedisit, në pika të ndryshme problematike në qytet, u organizua një aksion i madh pastrimi dhe heqje inertesh, në të cilin u përfshinë krahas firmës së pastrimit të qytetit “ Korsel” edhe mjaft biznese si dhe administrata e Bashkisë Korçë e cila kontriboi në lyerje pemësh. Për t’u vlerësuar është pjesëmarrja në këtë aksion e banorëve të Rrugës “ Veteranët” në Lagjen 12 të qytetit si dhe në Blloku “Çajupi”. Korça ka shansin e madh krahasuar me qytetet e tjera, pasi ka finalizuar projekte të madha me impakt në mjedis siç janë ujesjellësi, kanalizimet dhe impjantin e përpunimit të ujrave të përdorura që është duke u ndërtuar.
Në këtë ditë, Kryetari i Bashkisë Niko Peleshi apeloi për ndërgjegjësim pasi të gjithë në këtë ditë duhet të kontribojmë për një qytet më të pastër, duke iu kthyer traditës më të mirë që ne kemi.