Bibliotekës së qytetit “Thimi Mitko” i janë shtuar sot 3000 tituj të rinj, botime të fundit të shtëpive më të mira botuese shqiptare. Ka qenë një donacion prej 10 mijë eurosh i Institutit të Shkencave dhe Informacionit të Sllovenisë, i cili ka bërë të mundur pasurimin e fondit të bibliotekës së Korçës me letërsinë artistike të shkrimtarëve të mëdhenj Xhojs, Remark, Cvajk, Dan Braun, Umberto Eco etj, si dhe libra historikë, shkencorë, fjalorë e mjaft të tjerë. Është hera e parë që kësaj biblioteke i bëhet një donacion i këtyre përmasave.Koordinatori i këtij projekti Tomas Zemljak, e vlerësoi bibliotekën e Korçës si më të mirën në Shqipëri. Ky është bashkëpunimi i parë me institutin e Sllovenisë, i cili brenda dhjetorit, do do t’ i dhurojë kësaj biblioteke edhe disa pajisje të tjera të nevojshme.