150 pemë dhe po aq shkurre dekorative janë mbjellë në Lagjen 16 të qytetit pas përfundimit të pjesës më të madhe të punimeve për rehabilitimin e kësaj zone.
Me konceptin e rikonstruksionit të plote të blloqeve të banimit, pas asfaltimit, vendosjes së bordurave, shtrimit të trotuareve dhe gjelbërimit, bashkia do të vazhdojë punën në këtë zonë me vendosjen e sisitemit të ri të ndriçimit.
Brenda një viti, “Programi për rigjenerimin e rrugëve dhe sipërfaqeve të gjelbra” që është një nga iniciativat më të rëndësishmëe për përmirësimin e infrastrukturës në qytetin e Korçës, do të mundësojë ndërhyrjen masive për përmirësimin e infrastrukturës në çdo lagje të qytetit duke u shtrirë në çdo lagje të tij.
Bashkia Korçë është duke përgatitur projektin e rëndesishem të suvatimit të fasadave të pallateve në zonat ku do te përfundojë ndërhyrja për sistemimin e rrugëve dhe sipërfaqeve të gjelbra.