Fshati i Dardhës ndodhet në juglindje të qytetit të Korçës (20 km). Ai është një fshat malor i vendosur në një gropë ndërmjet kodrave të Shën Pjetrit, shkëmbit të vjeshtës dhe disa kodrave të tjera. Ky fshat ofron një klimë ideale, ajër të pastër të pasur me oksigjen kjo e bën të preferuar gjatë gjithë vitit. Rreshjet e shumta të dëborës dhe pistat natyrale të krijuara janë shumë të përshtatshme për zhvillimin e sporteve dimërore, veçanërisht atë të skive. Për më tepër ky fshat ka një folklor të pasur e kostume karakteristike.
