Në 1 Tetor, Ditën Ndërkombëtare të Moshës së Tretë është çelur në Korçë qendra e dytë ditore për të moshuarit. Kjo qendër u hap me iniciativën e Bashkisë Korcë në partneritet me Qendrën e Zhvillimit të Shoqërisë Civile dhe OSBE, si dhe me kontributin e Shoqatës së Serenatistëve Korçarë dhe njësisë tregëtare NEPTUN.
Në përurim ishin present Kryetari i Bashkisë së Korcës Niko Peleshi dhe Drejtor në Departamentin e Demokratizimit dhe Shoqërisë Civile pranë OSBE, Hartmut Puerner.Ka kaluar rreth 1 vit e gjysëm që prej hapjes së qendrës së parë në Lagjen 12 të qytetit dhe Bashkia synon hapjen e disa qendrave të tilla në lagjet periferike të qytetit, për të qenë sa më afër banesës së këtyre të moshuarve.Qendra do t’ju ofrojë të moshuarve kafe e caj falas, leximin e shtypit të ditës dhe kontroll mjekësor falas, lojra argëtuese, të gjitha në një mjedis mjaft mikpritës.Qendra Ditore e Moshës së Tretë është pjesë e programit “Qyteti social” të Bashkisë dhe synon mbështetjen e grupeve në nevojë duke përmirësuar cilësinë e jetës së tyre.Nëpërmjet këtij programi, Bashkia në bashkëpunim me shoqërinë civile kërkojnë të edukojnë dhe të nxisin së bashku një model bashkëpunimi dhe angazhimi qytetar në të mirë të komunitetit.