Me fondin prej 9 milion lekësh nga të ardhurat e veta, Bashkia e Korçës përfundoi rikonstruksionin e aneksit të Stadiumit “Skënderbeu” të qytetit. Investimi përfshiu të gjitha punimet e gërmimit dhe drenazhimit të fushës, si dhe ngjeshja dhe rrethimi i saj duke u bërë gati për shtrimin e tapetit të gjelbër nga Federata Shqiptare e Futbollit.
Në një sipërfaqe prej 10 mijë m2, më të madhe se ajo e stadiumit, do të stërviten të gjitha ekipet zinxhir të futbollit korçar. Gjatë inspektimit të punmeve, Kryetari i Bashkisë Niko Peleshi u shpreh se pas krijimit të këtyre kushteve sipas standarteve ndërkombëtare, Bashkia e qytetit beson në rezultate më optimiste nga futbolli korçar. Me parametrat që ka, fusha do të mirëpresë edhe takime ndërkombëtare.