Investimi prej 50 milion lekësh, i fituar nga Bashkia e Korçës nga grandet konkurruese të qeverisë shqiptare ka ndryshuar pamjen e bllokbanimit në Lagjen 18 të qytetit. Në katër rrugët e këtij blloku, Kiço Goliku, Nuçi Naçi, Llazi Opari dhe Valentina Kallanxhi ka përfunduar shtresa e parë e asfaltit së bashku me ndërtimin dhe shtrimin e trotuareve dhe pritet të shtrohet tapeti përfundimtar. Në pritje të kësaj faze, Kryetari i Bashkisë Niko Peleshi ka inspektuar punimet e firmës zbatuese, duke u njohur edhe me vërejtjet e sugjerimet e banorëve.
Këto vërejtje që dëgjuam do të na ndihmojnë të marrim në dorëzim një objekt, i cili do të zbatojë parametrat e kërkuar nga ne dhe kërkesat e qytetarëve, – u shpreh Kryebashkiaku Peleshi për mediat.