Kripmjaltëzat rikthehen për të dytin vit në Korçë për të argëtuar dhe festuar së bashku me fëmijët dhe nxënësit më të mirë të shkollave 9-vjeçare. Nën kujdesin e veçantë të Kryetarit të Bashkisë Niko Peleshi, Kripmjaltëzat i dhanë një atmosferë mjaft të gëzueshme Mbrëmjes Qëndrore, e cila tradicionalisht i kushtohet nxënësve me rezultatet më të mira në vitin shkollor që po lemë pas. Në këtë mbrëmje, 220 nxënësit më të mirë nga 15 shkollat 9-vjeçare të qytetit morën dhuratën e tyre. Kryebashkiaku Peleshi bashkë me përcjelljen e urimit SUKSESE për të gjithë fëmijët e pranishëm, i ka inkurajuar duke shprehur besimin se Kripmjaltëzat me siguri gjenden edhe ndërmjet tyre.
