Drejtoria e të Ardhurave pranë Bashkisë Korcë kujton subjektet e biznesit të vogël e të madh, përfshirë këtu bankat e nivelit të dytë, shoqëritë e sigurimit dhe filjalet e rretheve që ushtrojnë aktivitet në qytetin e Korcës, në veçanti subjektet e biznesit të vogël e të madh, të regjistruara pranë Qendrës Kombëtare të Regjistrimit, prej datës 1 janar 2010 deri më sot, se afati i fundit për pagesën e taksave dhe tarifave lokale (tarifë pastrimi, tarifë ndriçimi, tarifë gjelbërimi, tarifë reklame, taksë tabele, taksë pasurie etj) është data 31 mars 2010.
Subjektet e biznesit të madh, në momentin e paraqitjes në sportelet e Bashkisë duhet të paraqitin fotokopjen e NIPT – it për adresën kryesore dhe ato sekondare dhe aktin e pronësisë ose kontratën e qerasë për ambjentet ku zhvillohet aktiviteti.
Drejtoria e të Adhurave ju bën thirrje të paraqiteni pranë sporteleve të saj menjëherë pas këtij njoftimi, sepse paraqitja juaj në ditët e fundit të afatit ligjor do të krijonte rradhë të gjata dhe shërbim jo cilësor nga ana e Bashkisë.
Gjithashtu subjektet e biznesit të vogël, pas pagesës së taksave dhe tarifave lokale brenda datës 31 mars, duhet të paraqiten pranë Drejtorisë së të Ardhurave në Bashkinë Korcë, për tërheqjen e urdhërpagesës të Këstit të Parë të taksës vendore për vitin 2010 dhe pagesën e tyre pranë sporteleve të Bankave, brenda datës 20 prill 2010.
Duke shpresuar në mirëkuptimin dhe bashkëpunimin tuaj konform legjislacionit në fuqi, ju mirëpresim pranë sporteleve tona, në mënyrë që të mos bëheni objekt i sanksioneve për mospagimin e këtyre detyrimeve brenda afateve ligjore.
DREJTORE Benila THEMELI
KRYETARI Niko PELESHI