Kryetari i Bashkisë së Korçës Niko Peleshi, mori pjesë në Samitin e 2-të të romeve të zhvilluar në Palacio de Congress në Cordoba të Spanjës, në të cilin Ruus Dijksterhuis, Drejtore e Organizates Spolu Hollande, i dorëzon çertifikatën me titullin “ Kryetari me miqësor ndaj çështjes rome në Shqipëri”. Kryetari i Bashkisë së Korçës, Niko Peleshi, e merr këtë titull së bashku me kryetarët e 4 bashkive të tjera nga shtetet europiane si Bullgaria, Maqedonia, Moldavia e Rumania. Këta kryetarë u përzgjodhën nga fushata Tipical Roma e organizuar nga Netëork ERGO dhe në Shqipëri nga organizata Roma Active Albania.
Samiti i 2-të i romëve organizohej nga Këshilli i Europës, Bashkimi Europian, Parlamenti Europian. Theksi në këtë samit u vendos në edukim, shëndetësi, punësim, strehim dhe veçanërisht në edukim-arsimim.
Në samit morën pjesë gjithashtu përfaqësuesit më të lartë të disa shteteve europiane deputetë të Parlamentit Europian, ambasadorë ,organizatat Soros,Osce, si dhe një delegacion nga Washingtoni me porosi të veçantë nga znj. Clinton.
Kryetari i Bashkisë Niko Peleshi u shoqërua për në Spanjë nga Koordinatori i Zyrës Rajonale Roma Active Albania, Erion Jakupi.