Banorët mirëpresin ndërhyrjen
Firma e pastrimit të qytetit dhe Ndërmarrja e Shërbimeve Publike pranë Bashkisë Korçë kanë vazhduar aksionin e pastrimit në Lagjen 10 të qytetit të Korçës.
Puna në këtë lagje ka filluar në rrugën “Niko Kovaçi” dhe në blloqet e banimit poshtë shkollës “Raqi Qirinxhi”. Banorë të shumtë të kësaj pjesë të qytetit kanë mirëpritur këtë ndërhyrje të bashkisë.
Për kerë të parë pas 30 vitesh , – janë shprehur banorët e kësaj lagjeje – merret iniciativa për t’i kushtuar vëmendje edhe kësaj zone të qytetit, duke investuar në shtrimin e rrugëvë, ndriçimin, shtimin e lulishteve dhe pastrimin e pjesëve problematike referuar ndotjes.
I pranishëm në punimet për pastrimin e kësaj zone kryetri i bashkisë Niko Peleshi ju ka thënë banorëve se punimet nuk do të ndalen këtu por do të vazhdojnë investimet dhe pastrimi sistematik, për ta kthyer këtë pjesë të qytetit në një zonë model.
Bashkia është në përfundim të ndërhyrjes për përmirësimin e infrastrukturës në një pjesë të konsiderueshme të Lagjes 10 të qytetit nga Shkolla “Raqi Qirinxhi” e në vazhdim, deri në konturimin e kësaj lagjeje me unazën e qytetit. 5400 m2 asfalt, 6700 m2 sip. e gjelbër, 815 m linear bordura, të investuara nga bashkia, kanë përmirësuar ndjeshëm infrastrukturën e kësaj zone.