Korça tërheq vëmendjen e mijëra vizitorëve vendas dhe të huaj
Për të pestin vit rradhazi Festa e Birrës shënoi kulmin e sezonit turistik për qytetin e Korçës. Mijëra qytetarë nga Korça, të ardhur nga qytetet e tjera të Shqipërisë dhe shumë turistë nga vende të ndryshme të botës kanë kaluar katër netë të mbushura me argëtim dhe emocione të veçanta.
Rreth 80 mijë vetë u bënë për katër netë pjesë e festës më të madhe verore në Shqipëri. Sipas të dhënave të kompanive që tregëtuan birrën në katër netë u konsumuan rreth 200 mije gota birre.
Veç birrës dhe produkteve tardicionale festa u shoqërua çdo natë edhe me një show muzikor ku performuan këngëtarë dhe grupe të njohura të muzikës shqiptare si edhe te ftuar nga Kosova, Maqedonia, Hollanda etj
Festa e Birrës këtë vit tërhoqi vëmendjen e shumë personaliteve nga fusha të ndryshme të cilët shijuan festën dhe vlerësuan potencialin kulturor dhe turistik të qytetit të Korçes.
Përfaqësues të lartë të trupit diplomatik të akredituar në Shqipëri si Ambasadori i Prezencës së OSCE, Ambasadorja Gjermane, Ambasadori Hollandez, Sekretari i Parë i Ambasadës Amerikane, Ambasadori Kinez etj, shijuan birrën, muzikën e zgjedhur dhe produktet tradicionale.
Aktorja e mirënjohur e Hollivudit Eliza Dushku, me misionin e promovimit të vlerave turistike të Shqipërisë nëpër botë ka zgjedhur të vizitojë Korçën, qytetin e saj të origjinës në ditët e Festës së Birrës, duke e cilësuar festën si një vlerë që i n shtohet potencialeve të shumta turistike që ka Korça. Për promovimin e vlerave të qytetit të Korçës ajo është vlerësuar nga kryebashkiaku Niko Peleshi me titullin e lartë “Qytetare Nderi” .
Festa e Birrës në Korçë, tashmë, një festë e njohur në gjithë Shqipërinë në vitin 2010 është nderuar me çmimin shqiptar të turizmit, akorduar nga Ministria e Turizmit Rinisë dhe Sporteve si dhe Shoqata e Turizmit Shqiptar, si një gjetje e veçantë për zhvillimin e turizmit dhe ekonomisë locale.