Sot shënohet Dita Ndërkombëtare e Luftës Kundër Diskriminimit Racor. Në këtë ditë kujtohet 21 marsi i vitit 1960, kur në Republikën Jugafrikane u vranë 69 njerëz që po demonstronin paqësisht kundër aparteidit.
Shumë demonstrues, që po merrnin pjesë në protestat paqësore në vendbanimin e të varfërve 50 kilometra në jug të Johanesburgut, më 21 mars 1960 policia i qëlloi pas shpine kur po iknin.
Në këtë mënyrë u vranë 69 e u plagosën së paku 180 pjesëmarrës të demonstratës, që ishin organizuar asokohe kundër ligjit të ri, sipas të cilit zezakët ishin të detyruar që vazhdimisht të mbanin me vete dokumentet personale. Asnjë polic nuk u dënua për ato vrasje.
Dita Ndërkombëtare e Luftës Kundër Diskriminimit Racor u shpall në Kombet Bashkuara më 1966.
21 marsi është ditë e shënuar në disa fusha. Rrallë mund të ndodhë që në një ditë të vetme, bota të festojë dhe përkujtojë një sërë gjërash njëherazi. Pyjet, e kanë 21 marsin ditën e tyre. Kjo u vendos nga OKB vetëm një vit më parë. Pikërisht në këtë datë, të gjithë të interesuarit mbi natyrën, pyjet, nismat e veçanta që kanë për qëllim mbrojtjen e tyre dhe masave ndaj ngrohejs globale, ndërmarrin një sërë veprimtarish në mbarë vendin.
Dita Ndërkombëtare e Fëmijëve me Sindromën Down festohet gjithashtu në 21 mars, në akordancë me kromozomin e 21-të, atë që dallon, në fakt, një fëmijë më këtë sindromë.
Të gjithë poetët e botës, adhuruesit e vargjeve dhe dashamirës anë e mbanë globit të kësaj gjinie, festojnë sot Ditën Ndërkombetarë të Poezisë. E përcaktuar si e tillë nga UNESCO, kjo ditë ka për qëllim nxitjen e leximit të poezive dhe natyrisht, nxitjen e zbulimit të talenteve në këtë fushë.
21 marsi i dedikohet edhe buratinëve, kukullave të komanduara nga fije të lidhura në duart e tyre. Ideja e festimit të kësaj dite erdhi nga Irani dhe shumë shpejt u përjetësua me organizimin e festivaleve ndërkombëtare me marioneta.
Dita Ndërkombëtare e Luftës Kundër Diskriminimit Racor
