Perfaqesues te Ministrise Federale per Bashkepunim Ekonomik dhe Zhvillim (BMZ), Bankes Gjermane per Zhvillim (KFW) si edhe Shoqerise Gjermane per Bashkepunim Nderkombetar (GIZ) jane pritur ne nje takim ne Bashkine Korce. Ky delegacion eshte takuar me drejtues te bashkise te qytetit, partneret perfaqesues te programeve dhe projekteve te realizuara ne Rajonin e Korces, te mbeshtetura financiarisht dhe teknikisht nga keto institucione te rendesishme gjermane. Ne kete takim te rendesishem zv.kryetarja e Bashkise Korce, Benila Themeli, duke e konsideruar Korcen si “Kryeqytetin e investimeve gjermane ne Shqiperi” ka bere nje prezantim te te gjitha projekteve te realizuara gjate viteve te fundit me mbeshtetjen financiare te KFW dhe asistencen teknike te GIZ , si Sistemi i Ujesjelles Kanalizimeve, Projekti i Menaxhimit te Mbetjeve te Ngurta, celja dhe funksionimi i Zyres se Zhvillimit Ekonomik prane Bashkise Korce etj. Ajo ka shprehur deshiren dhe vullnetin e mire te Bashkise Korce per thellimin e ketij bashkepunimi, si edhe replikimin e ketij modeli te suksesshem dhe te qendrueshem duke bere te mundur zhvillimin ekonomik te krejt rajonit te Korces si dhe permiresimin e cilesise se jetes per banoret e tij. Mbas ketij takimi me iniciativen e GIZ nepermjet nje shfaqje te shkurter teatrale dhe prezantimit te eksperiencave personale nga ana e disa prej zonjave perfaqesuese te Shoqates se Grave Profesioniste, Afariste dhe Zejtare eshte trasmetuar mesazhi sensibilizues i bashkepunimit ndermjet bizneseve me te njejten veprimtari quajtur ndryshe “Metoda Berthame”. Kjo metode bashkepunimi ka si qellim shkembimin e njohurive, eksperiencave, sfidave dhe pengesave si dhe rritjen e te ardhurave per te gjitha bizneset.
