Është përkujtuar sot në ambientet e Muzeut Kombëtar të Arsimit “Mësonjëtorja e Parë Shqipe” 135 vjetori i themelimit të Shoqërise së të shtypuri shkronja shqip e njohur ndryshe si Shoqëia e Stambollit. Kjo shoqëri e krijuar më 12 tetor 1879 me në krye patriotin e shquar Sami Frashëri i dha vetes për qëllim të përpilonte një alfabet kombëtar dhe të bënte të pamundurën për hapjen e shkollave shqipe dhe botimin e librave shqip. Vlerat dhe përkushtimi i patriotëve shqiptarë pjesë e kësaj shoqërie përkujtohen edhe sot me mirënjohje e respekt.
