Kryebashkiaku Sotiraq Filo dhe stafi i tij kanë pritur sot në një vizitë Ambasadorin e Republikës të Francës në Shqipëri Bernard Fitoussi. Ambasadori Fitoussi u shpreh se ndiehet mirënjohës për këtë mikpritje të ngrohtë, në këtë vizitë të tij të parë në qytetin e Korçës. – Është një kënaqësi që më në fund po vizitoj Korçën, qytetin për të cilin kam dëgjuar aq shumë të flitet. Duke parë punimet që po bëhen në qytetin tuaj shihet se jeni në një dinamikë të jashtëzakonshme pune pandaj falenderoj sërisht kryebashkiakun që gjeti kohë të më presë në shtëpinë e Korçës, u shpreh Ambasadori Fitoussi. Në këtë takim u diskutua për mundësitë për të zgjeruar edhe më tepër bashkëpunimin në fushat kulturore arsimore etj duke intensifikuar kështu edhe më tepër marrdhëniet midis Francës dhe qytetit të Korçës.
