Në ambentet e Universitetit “F. S. Noli” është bërë sot promovimi i dy librave nga profesorët e Departamentit të Matematikës dhe Fizikës Arto Adili dhe dy bashkëautoret Lorena Margo dhe Eljona Milo. Librat “Aritmetika” dhe “Gjeometria elementare” përmbledhin njohuritë bazike të formimit matematik dhe gjeometrik . Këto dy botime janë financuar nga Bashkia Korçë dhe do të jepen falas për të gjithë nxënësit, studentët dhe profesorët. Të pranishëm në këtë aktivitet kanë qënë ish mësues të autorëve, studentë, përfaqësues të institucioneve të qytetit si edhe kolegë të shumtë. Puna e bërë nga autorët e librave është finalizimi i një përpjekjeje të gjatë në fushë e matematikës dhe përbën një material mbështetës për të gjithë mësuesit e sidomos për nxënësit e studentët. Promovimi i këtyre dy librave është përshëndetur nga kryebashkiaku Sotiraq Filo dhe nga kolegë e mësues të autorit Adili, të cilët kanë vlerësuar maksimalisht kontributin që këta autorë kanë dhënë në fushën e matematikës.
